Ek Tamanna Hai Faqt Mujh Pe Meherbaan Raho

/Chahat Shayari/Ghazal/

Ek Tamanna Hai Faqt Mujh Pe Meherban Raho

Tum Kisi Aur Ko Dekho Toh Bura Lagta Hai

Meri Chahat Ka Taqaza Hai Mere Sath Raho

Ghair Ka Hath Jo Thamo Toh Bura Lagta Hai

Arzoo Hai Tere Har Roop Ko Har Pal Dekhun

Tum Mere Paas Se Utho Toh Bura Lagta Hai

Roz o Shab Aaj Bhi Parwah Hai Tumhari Mujh Ko

Tum Kisi Aur Ko Socho Toh Bura Lagta Hai

Rooh Meri Tarasti Hai Tumhari Khushbu Ko

Tum Kahin Aur Ja Ke Meheko Toh Bura Lagta Hai

  • By:

Jab Se Tu Amil e Farmooda-E-Islaf Nahi

/Ghazal/Ishq Poetry/

Jab Se Tu Amil e Farmooda e Islaf Nahi

Naam Insaf Ka Baqi Hai Per Insaf Nahi

Zarb e Shamsheer, Baja! Nara e Takbeer Darust

Sab Hai! Bus Tujh Mein Mujahid Se Woh Ausaf Nahi

Kya Bahana Hai Mere Qalb Ko Thukrane Ka

Kirchiyan Dekh Ke Kehte Hain Ke Shafaaf Nahi

Ya Khuda! Umat e Ahmed Bhi Wohi Tu Bhi Wohi

Kya Sabab Hai Ke Woh Pehle Ke Se Altaf Nahi

Aah! Yeh Ishq Bhi Kasa Hai Tera Jis Mein ‘Shakeeb’
Ishq Ka Aieen Nahi Sheen Nahi Qaaf Nahi

  • By:

Jo Tere Kadam Mere Ghar Chalein, mere saath

/Dil Shayari/Ghazal/Urdu Love Poetry/Yaad Poetry/

Jo Tere Kadam Mere Ghar Chalein
Mere Sath Shams o Qamar Chalein
Teri Qurbaton Mein Samait Loon
Raah e Zindagi Ki Musaaftein
Tere Naam Se Meri Subh Ho
Teri Yaad Mein Meri Shaam Ho
Tere Rubaru Rahein Surkhroo
Mere Chashm o Dil Ki Abaartein
Mere Roz o Shab Ke Nisaab Mein
Mere Paas Apna Toh Kuch Nahi
Tera Qarz Hai Meri Zindagi
Meri Saansein Teri Amaantein

  • By:

Dhoop Mein Saaya e Deewar Zaroori Toh Nahi

/Ghazal/Nafrat Shayari/Pyar Shayari/

Dhoop Mein Saaya e Dewaar Zaroori Toh Nahi,

Ab Tere Baad Koi Pyar Zaroori Toh Nahi

Hum Tere Ek Ishaaray Pe Kata Dein Ser,

Ho Tere Hath Mein Talwaar Zaroori Toh Nahi

Mere Elaan e Baghawat Se Salaamat Reh Jaye,

Teri Baadshaahi Tera Darbaar Zaroori Toh Nahi

Nafratein Phaink Ke Aa Phir Se Galay Lag Jaaein,

Aisa Moqa Mile Har Baar Zaroori Toh Nahi

Jeet Lungi Tujhe Duniya Se Mera Vaada Hai,

Har Baar Ho Meri Haar Zaroori Toh Nahi

  • By:

Ussey Kaho Us Pe Marta Hai, Ussey Kaho

/Chahat Shayari/Ghazal/Ishq Poetry/Pyar Shayari/Yaad Poetry/

Ussey Kaho Koi Us Pe Marta Hai

Ussey Kaho Koi Ussey Chahta Hai

Ussey Kaho Kisi Ki Zindagi Hai Woh

Ussey Kaho Koi Uski Yaad Mein Jhaagta Hai

Ussey Kaho Koi Dekh Ke Ussey Jeeta Hai

Ussey Kaho Kisi Ki Justuju Hai Woh

Ussey Kaho Koi Ussey Sochta Hai

Ussey Kaho Koi Pyar Ke Uska Talib Hai

Ussey Kaho Kisi Ki Kainaat Hai Woh

Ussey Kaho Koi Dharkanoo Mein Ussey Sunta Hai

Ussey Kaho Koi Qurbaton Ka Uski Piyaasa Hai

Ussey Kaho Kisi Ka Ishq Hai Woh

Ussey Kaho Koi Us Ka Deewaana Hai

Ussey Kaho Koi Tasbeeh Naam Ki Uski Parhta Hai

Ussey Kaho Kisi Ka Pyar Hai Woh

Ussey Kaho Mera Armaan Hai Woh.

  • By: