Kahin Ishq Ki Dekhi Ibtida, Kahin Ishq Ki Dekhi

/Ghazal/Heart Touching Shayari/Husn Shayari/Ishq Poetry/Wafa Shayari/

Kahin ISHQ Ki Dekhi Ibtida,

Kahin ISHQ Ki Dekhi Inteha,

Kahin ISHQ Sooli Pe Charh Gaya,

Kahin ISHQ Ka Nezy Pe Ser Gaya,

Kahin ISHQ Sajde Mein Gir Gaya,

Kahin ISHQ Sajde Se Phirr Gaya,

Kahin ISHQ Dars e Wafa Bana,

Khain ISHQ Husn e Ada Bana,

Kahin ISHQ Ne Sanp Se Daswa Dia,

Kahin ISHQ Ne Namaz Ko Qaza Kia,

Kahin ISHQ Saife Khuda Bana,

Kahin ISHQ Shere Khuda Bana,

Kahin ISHQ Toor Per Deedar hai,

Kahin ISHQ Zibah Ko Tayar hai,

Kahin ISHQ Ne Behka Dia,

Kahin ISHQ Ne Shah e Misr Bana Dia,

Kahin ISHQ Aankhon Ka Noor Hai,

Kahin ISHQ Koh e Toor Hai,

Kahin ISHQ ‘Tu Hee Tu’ Hua,

Kahin ISHQ ‘ALLAH HOO’ Hua.