Yaqeen Aata Nahi Dil Ko Ke Aesa Ho Bhi Sakta Hai

/Dil Shayari/Ghamgeen Poetry/Ghazal/Sad Urdu Poetry/

Yaqeen Aata Nahi Dil Ko Ke Aesa Ho Bhi Sakta Hai

Mera Hal e Gham Sun Kar Woh Zalim Ro Bhi Sakta Hai

Kabhi Insan Akela Ho Ke Bhi Tanha Nahi Hota

Sar e Mehfil Kabhi Bethe Bithaye Kho Bhi Sakta Hai

Ta’ajjub Kyun Hai Tum Ko Meri Be Gunahi Per

Karam Ka Aik Qatra Dagh e Daman Dho Bhi Sakta Hai

Kabhi Insan Ko Neend Aati Nahi Phoolon Ke Bistar Per

Kabhi Pathar Pe Sar Rakh Kar Maze Se Soh Bhi Sakta Hai

Woh Kehta Hai Tumhari Khatir Sitare Tor Launga

Ba Zahir Yun Nahi Hota Magar Yun Ho Bhi Sakta Hai

Khudi Hai Izzat o Yaqeen Ka Dastoor Mian

/Chahat Shayari/Dua Shayari/Ghazal/Ishq Poetry/

Khudi Hai Izzat o Yaqeen Ka Dastoor Mian

Jo Dekh Lia Kahin Pe Yeh Satoor Mian

Hai Ishq Woh Bala Ke Kaun Idhar Apna

Hai Ishq Mein Dikhta Kahan Fatoor Mian

Yeh Ishq Baazon Ki Basti Idhar Kahan Aaye

Yeh Woh Aitbaar Jo Num Aur Phir Choor Choor Mian

Hai Meri Yeh Chah Ek Dua Khuda Se

Mil Kar Bhool Gaya Wafa Hun Jo Majbur Mian

Tum Yawar Idhar Udhar Kiun Bhatakte Ho

Karun Ga Haasil Usko Magar Zarur Mian

Ek Tamanna Hai Faqt Mujh Pe Meherbaan Raho

/Chahat Shayari/Ghazal/

Ek Tamanna Hai Faqt Mujh Pe Meherban Raho

Tum Kisi Aur Ko Dekho Toh Bura Lagta Hai

Meri Chahat Ka Taqaza Hai Mere Sath Raho

Ghair Ka Hath Jo Thamo Toh Bura Lagta Hai

Arzoo Hai Tere Har Roop Ko Har Pal Dekhun

Tum Mere Paas Se Utho Toh Bura Lagta Hai

Roz o Shab Aaj Bhi Parwah Hai Tumhari Mujh Ko

Tum Kisi Aur Ko Socho Toh Bura Lagta Hai

Rooh Meri Tarasti Hai Tumhari Khushbu Ko

Tum Kahin Aur Ja Ke Meheko Toh Bura Lagta Hai

Jab Se Tu Amil e Farmooda-E-Islaf Nahi

/Ghazal/Ishq Poetry/

Jab Se Tu Amil e Farmooda e Islaf Nahi

Naam Insaf Ka Baqi Hai Per Insaf Nahi

Zarb e Shamsheer, Baja! Nara e Takbeer Darust

Sab Hai! Bus Tujh Mein Mujahid Se Woh Ausaf Nahi

Kya Bahana Hai Mere Qalb Ko Thukrane Ka

Kirchiyan Dekh Ke Kehte Hain Ke Shafaaf Nahi

Ya Khuda! Umat e Ahmed Bhi Wohi Tu Bhi Wohi

Kya Sabab Hai Ke Woh Pehle Ke Se Altaf Nahi

Aah! Yeh Ishq Bhi Kasa Hai Tera Jis Mein ‘Shakeeb’
Ishq Ka Aieen Nahi Sheen Nahi Qaaf Nahi